各位信義的仔仔女女：

不經不覺，新學期已經展開啦，你們面對新的同學新的老師習慣了嗎？對於新加入信義中學的各級freshmen，歡迎晒！盼望同學與同學之間能融洽相處，在和諧同友愛的氣氖下共建愉快學習的校園。

今年何姑娘（即係我）仍然係你地的駐校社工，而我駐守的時間仍然係逢星期一二四五，你地有咩心事都可以係小息、lunch，放學同你地得閒的時間嚟搵我『dad』下，通常去４樓４０７室就會見到我。Hey仲有呀，我快將同訓輔處合作，在今年製作幾項大型的活動，當中包括快將推出的『行政先鋒』同稍後推出的『新Teen新地』、『Positive Psychological Camping』等，大家要密切留意啊！

而剛剛過去的九月份，在一片歡樂氣氛中完成了的，是各級的班會幹事訓練。當日除了我之外，仲有訓輔處的Ms Chan， Ms Wong同幾十個班會幹事，我地一齊玩遊戲，一齊學習如何透過遊戲帶領班會走向團結自治。

好的開始是成功的一半，當我見到各班會幹事在訓練內那麼積極投入，在許諾言時那麼態度認真，那便令我相信，我們今年的幹事一定能為班會出力，帶頭做好。

努力呀，各位！！！